Xornada. Mércores, 30 de abril de 2008.

O vindeiro 30 de Abril, a partir das 9:15 horas, terá lugar no Pazo de Congresos e Exposicións de Galicia en Santiago, a Xornada de Presentación da Rede de Plataformas Tecnolóxicas Galegas (NEURONA), que organiza a Dirección Xeral de Investigación, Desenvolvemento e Innovación, e na mesma presentarase a Plataforma Tecnolóxica Audiovisual i+dea.

A presentación da Rede NEURONA, será inaugurada por D. Salustiano Mato de la Iglesia, Director Xeral de I+D+I da Consellería de Innovación e Industria, e a presentación de i+dea correrá a cargo de D. Antón Reixa, en calidade de Presidente do Comité de Dirección.
A Plataforma i+dea está concebida para crear e consolidar un foro aberto de traballo entre a industria audiovisual galega e as entidades de investigación e demáis organizacións relacionadas co seu progreso científico e tecnolóxico para, deste xeito, lograr unha maior colaboración, coherencia e masa crítica nas actividades de I+D+I que se promovan na Comunidade Autónoma en favor deste.

Os interesados en asistir poden inscribirse a través da Secretaría Técnica da Plataforma, no seguinte enderezo: idea@clag.es

Programa da Xornada de Presentación da Rede de Plataformas Tecnolóxicas Galegas (NEURONA).